Ռիմա մայրիկը

DSC_0667Ռիմա մայրիկի տան հասցեն Ծաղկահովտում բոլորը գիտեն: Փոքրիկ գյուղաքաղաքի հենց սկզբնամասում գտնվող իր տնակում է ապրում, ուր այս օրերին շարունակ հյուրեր է ընդունում` բոլորին սիրով, ջերմությամբ ու սպասումով: Բոլոր հյուրերն սպասում են, որ նա կխոսի իր որդուց, սակայն Ռիմա մայրիկն իր հոգսերի, վշտի ու ապրումների մեջ չի մոռանում հետաքրքրվել հյուրերով և, անպայման, ու յուրաքանչյուր վայրկյան շնորհակալ լինել:
Ռիմա մայրիկը ծնվել է 1940 թվականի հոկտեմբերի հինգին: Յոթ քույր ու եղբայր են եղել: Տան պատերին կախված իր տղաների լուսանկարների կողքին նաև իր լուսանկարն է` հոր և մոր հետ: Ծնվել է Ծաղկահովտում, այդտեղ էլ ամուսնացել: Ասում է, որ մինչև երկրաշարժը լավ է ապրել: Աշխատել է ոսկու շուկայում որպես վաճառող, ամուսինը ևս լավ աշխատանքի է եղել: Ամեն ինչ փոխվել է երկրաշարժից հետո: Կորցրել է տունը, հետո էլ շարժումն է սկսվել և որդիներն ու ամուսինն ընդգրկվել են այդ գործում:

Continue reading

Advertisements

Հրաչյա Մուրադյանի ընտանիքը յուրաքանչյուր օր կրկին սովորում է ապրել առանց նրա

10556342_676039529137441_8142142645089738815_n

Դուռը բացվելուն պես Անին, ով այս տարի նոր է առաջին դասարան գնացել, անմիջապես կայտառ ժպիտով բարևում է ու արագ հրավիրում ներս: Ու անմիջապես էլ պատմում, որ վաղն իրենց հանդեսն է ու ինքը Է տառին նվիրված բանաստեղծություն է արտասանելու:

Աննան մեղմ ժպիտով լսում է ու ասում, որ մի քանի րոպեից դպրոցից կգա իր մեծը` Գոհարը, իսկ տղան դեռ 2.5 տարեկան է և մանկապարտեզում է:

«Ամբողջ օրը երեխաներով եմ զբաղված ու չեմ հասցնում տխրել: Տխրությունն իմ հետ է գիշերը, երբ երեխաները քնում են ու միայնակ են մնում իմ կորուստի հետ»,-ասում է Աննան:

Աննայի ամուսինը` Հրաչյան, զոհվեց ապրիլի ութին: Մինչ այդ վերջին անգամ զանգահարել էր ապրիլի յոթին, շնորհավորել տոնի առթիվ ու խոստացել մի քանի օրից զանգել:

«Այդ գիշեր անընդհատ լարված էի, ինքս էլ չգիտեի ինչ էր կատարվում:Երբ քնեցին երեխաները, անդադար լաց էի լինում առանց պատճառի, հետո Հիսուսի մասին կինոնկար էր, նայեցի ու նոր միայն քնեցի: Հաջորդ օրն ինձ ասացին, որ Հրաչյան զոհվել է»,-պատմում է Աննան: Continue reading

Քյարամ Սլոյանը` իրական հերոսը

DSC_0650Քյարամի նկարը կախված է պատուհանին ամրացված եռագույնից: Սենյակում  մութ է, անկյունում` փոքրիկի սեղանի վրա, դրված է Քյարամի լուսանկարը, բանակում ստացված շնորհակալագիրը և հետմահու տրված մեդալը: Կողքին կուչ է եկել մայրը` Նվարդը, հազիվ հիսունը բոլորած մի կին, որը վշտի հարվածից ամբողջովին կորցրել է իրականության զգացումը և դատարկված աչքերով անթարթ նայում է Քյարամի նկարին:

Քյարամ Սլոյանն ապրիլյան պատերազմի առաջին զոհերից էր, ով հնարավորություն ուներ փրկվելու, սակայն ազնվությունը, պարտքի զգացումը և մարդկայնությունը նրան թույլ չտվեցին թողնել հրամանատարին և հեռանալ դիրքից: Մինչդեռ հենց հրամանատարն էր ստիպել: Չէր արել ու զոհվել էր: Զոհվելուց հետո թշնամին անարգել էր նրա մարմինը` լուսանկարներով ողողելով համացանցը և դաժանության ու պատերազմի սարսափի վկայություն դարձնելով 20-ամյա տղայի մահը: Continue reading

Արտո Թունջբոյաջյան. Ամենասարսափելին ինքն իրեն խաբելն է

Արտո Թունջբոյաջյան: Ամուսնացած է: Կինը՝ Դելիա Թունջբոյաջյանը, կոլումբացի է: Արտոյի աջ արմունկին դաջված I love you, Delia գրությունը երգչի սիրո խոստովանություն է իր կնոջը: Նույն ձեռքի մեկ այլ դաջվածք էլ եղբորն է հասցեագրված: Իսկ ձախ ձեռքին ծառ է դաջված. Armenian Navy Band-ին է նվիրված:

big_top_arto_news_ts1323262327

Լուսանկարը` Bravo.am-ի

Ձեր երգարվեստի մուտքը Հայաստան հետաքրքրության ու նորարարության իսկական ալիք առաջացրեց: Ի՞նչ եք անում նախկին աշխուժությունը պահելու համար:

Հայաստան եկա հույսով, որ ինձ հետ բերած սերմերը մի օր ծառ կդառնան, որ հետո էլ այդ ծառը սերմեր կտա, բայց այդպես էլ սերմը ծառ չի դառնում: Ինչո՞ւ է այդպես, պատճառն այստեղի մենթալիտետն է: Բարդույթներ ունենք, կարծում ենք՝ աշխարհը Հայաստանն է: Մեր մեջ նախանձ կա, ատելություն, վախ: Ողջ աշխարհում աշխատել եմ, եկա այստեղ ու ամեն ինչ զրոյից սկսեցի: Երիտասարդների գտա, սկսեցի աշխատել: Բայց մեր մենթալիտետն է. երիտասարդներին չեն աջակցում ու արդյունքում ի՞նչ են սպասում նրանցից: Էդ պատճառով էլ շարունակություն չի լինում: Անընդհատ ասում են՝ այ մեր ժամանակ էսպես էր… Հիմա երիտասարդների ժամանակն է: Սա է խնդիրը: Սկզբում իմ երաժշտությունը նորություն էր, հետո վարժվեցին:

– Դո՞ւք եք հանդիսատեսի պահանջին հարմարվում, թե՞ հանդիսատեսին եք ստիպում Ձեզ հարմարվել:

Բեմ եմ դուրս գալիս, տեսնում օրվա իմ հանդիսատեսին ու որոշում, թե ինչ ծրագիր եմ ներկայացնելու: Ամեն տեղ նույն ծրագիրը չես կարող ներկայացնել: Մոտավոր գիտեմ՝ ինչպես եմ սկսելու, ծրագրի շարունակությունը դահլիճի տրամադրությամբ է որոշվում: Continue reading

Ռումինիայի ամենասարսափելի ու ամենագայթակղիչ ամրոցը. Կոմս Դրակուլայի հանգրվանը

Դրակուլա` նշանակում է սատանայի հետնորդ, սատանի ճուտ: Իշխանի սիրած զբաղմունքը մարդկանց ցցի վրա հանելն էր:

«Ես ինչ-որ տեղ կարդացել էի, որ Կարպատյան լեռներում են ծնվել լեգենդներն ու առասպելները: Իբր հենց այստեղ է մարդկության երևակայության կենտրոնը: Եթե իսկապես այդպես է, իմ այցելությունն այդ վայրեր խոստանում է առավել քան հետաքրքիր լինել»:

27Մեջբերում գրող Բրեմ Ստոկերի հերոսի` Ջոնաթան Հարքերի օրագրից: Ջոնաթանը, ոչինչ չկասկածելով, շտապում էր ուղիղ Տրանսիլվանիայի հանրահայտ վամպիրի ամրոց: Բրեմ Ստոկերի երևակայության արգասիքին չէի հավատում: Այդ իսկ պատճառով առանց վախի ու սնահավատության որոշեցի նախանշած ուղուց բաց չթողնել կոմս Դրակուլայի ամրոցը` Ռումինիա կատարած իմ ճամփորդության վերջին հանգրվանը:

Ռումինիայի Տրանսիլվանիա նահանգի Բրան փոքրիկ բնակավայրում է Դրակուլայի հանրահայտ ամրոցը: Այն Բրաշովից ընդամենը 30 կմ է հեռու: Բրան ամրոցը Ռումինիայի զբոսաշրջության Սեքքան է: Այս երկրի մասին պատմող ցանկացած գրքում և անգամ բուկլետներում ամենայն մանրամասնությամբ նշված են ամրոց տանող ուղիները: Զբոսաշրջիկները վաղուց են ընկել ռումինների լարած թակարդը: Կոմս Դրակուլայի հրեշագործությունների զրույցներով ու լեգենդներով տարված` զբոսաշրջիկները շտապում են մի ամրոց, որտեղ կոմսը մայրամուտից լուսաբաց իր արնախում ճաշկերույթներն էր կազմակերպում: Continue reading

Վրացահայերը նախընտրում են ռուսական և վրացական դպրոցները, իսկ հայկականները փակվում են

imageՄինչեւ հինգերորդ դասարան Աննա Հովհաննիսյանը հայերեն գրել եւ կարդալ չգիտեր: Սովորում էր ռուսական դպրոցում: Միայն հոկտեմբերին ծնողները որոշեցին երեխային տեղափոխել հայկական դպրոց, այն էլ Աննայի բազմաթիվ խնդրանքներից ու պնդումներից հետո:

Մի քանի ամիս է տասնամյա Աննան հաճախում է Թբիլիսիի թիվ 104 հայկական դպրոցը: Սկզբում դասերը հաճախ չէր հասցնում, բայց ընդամենը երկու ամսվա ընթացքում կարողացավ սովորել տառերն ու կարդալ վարժ այնքան, որ ուսուցիչները գոհ մնան:

«Աննան, սակայն, բացառություն է: Օրինաչափության նման է դարձել, որ ծնողները նախընտրում են ռուսական եւ վրացական դպրոցները», ասաց թիվ 104 հայկական դպրոցի տնօրեն Կարինե Մանուկյանը : Continue reading

Իրենց հիվանդության մասին Տուրետի համախտանիշով մարդիկ խուսափում են խոսել

Պատճառը հասարակության անհանդուրժողականությունն է

tourette-graphic

Այս հիվանդության պատճառներն ու բուժման եղանակները դեռ բացահայտված չեն: Հիվանդության դրսեւորումները տարբեր են: Այս համախտանիշով մարդկանց մեր հասարակությունը չի հասկանում եւ խուսափում է նրանցից: Տուրետի համախտանիշը հանդիպում է յուրաքանչյուր հազարերորդի մեջ, տղամարդկանց մոտ հիվանդությունը երեք անգամ ավելի հաճախ է:

Հիվանդներն անզոր են կառավարելու իրենց վարքը, նրանք հանկարծակի շարժումներ են կատարում, կարող են տարբեր ձայներ արձակել, անգամ հայհոյել: Բժիշկները վարքային նման դրսեւորումներն անվանում են տիկեր: Դրանք ակամա են, զսպել կամ խուսափել անհնար է, նման է շնչելուն, դադարեցնել չես կարող: Հիվանդության առաջին դրսեւորումներն արտահայտվում են հիմնականում նախադպրոցական տարիքում: Continue reading